+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Өзіміздің және өзгелердің өміріне жауапкершілікпен қарайық - Айгүл Иманбаева

2020 жылғы 3 қараша 19:15
Бөлісіңіз:
Өзіміздің және өзгелердің өміріне жауапкершілікпен қарайық - Айгүл Иманбаева

НҰР-СҰЛТАН. ҚазАқпарат – Әнші, театр және кино әртісі, ҚР еңбек сіңірген қайраткері Айгүл Иманбаева Қазақстан халқын карантин талаптарын қатаң сақтауға шақырды, деп хабарлайды ҚазАқпарат тілшісі.

«Бұл тек біздің елге ғана емес, барша әлемге қауіп төндірген індет. Сондықтан карантиндік шараларды сақтауда бейқамдық танытпауымыз қажет. Коронавирус инфекциясының бар екеніне күмәнмен қараған азаматтар жағдайды саналы сараптап, қоғамға жауапкершілікпен қарау керек деп ойлаймын. Бұл жерде еліміздің, ұлтымыздың саулығы деген - үлкен мәселе тұр. Өзімшілдік көзқарастан арылып, өзгелердің өміріне жауапкершілікпен қарайық!», - дейді ол.

Сондай-ақ, кино және театр әртісі қазіргі таңда иммунитетті көтеретін дәрумендер ішіп, үнемі бетперде тағып, әлеуметтік арақашықтықты сақтау маңызды екенін баса айтты.

«Таяуда қыс түседі. Сондықтан жылы киініп, дәрігерлер айтқан кеңестерге құлақ түргеніміз абзал. Осындай қиын кезеңде бір-бірімізге қол ұшын беріп, жақындарымызға жанашырлық танытсақ, індеттің алдын-алып, оның таралуын төмендете аламыз деп сенемін», - деді ҚР еңбек сіңірген қайраткері.

Сонымен қатар, Айгүл Иманбаева коронавирус инфекциясымен күрес жолында еңбек етіп жүрген дәрігерлерге алғысын жеткізді.


Біздің каналымызға жазылыңыз:

Бөлісіңіз:

Автор:

Әлихан Асқар

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT