+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Өзенге ағып кеткен жүкті әйел оқиғасы: ТЖК түсінік берді

2018 жылғы 26 шілде 13:29
Бөлісіңіз:
 Өзенге ағып кеткен жүкті әйел оқиғасы: ТЖК түсінік берді

АЛМАТЫ. ҚазАқпарат - ҚР ІІМ ТЖК ресми өкілі Руслан Иманқұлов суға ағып кеткен 32 жастағы келіншекті іздестіру шаралары туралы айтты, деп хабарлайды ҚазАқпарат тілшісі.

Қазір сүңгуірлер оқиға болған жерден 15 шақырым қашық жерді тінтіп жатыр. Алайда өзеннің қатты ағысы іздеу шараларына кедергі келтіруде.

«Өзен ағысы бірқалыпты емес, сүңгуірлер үшін де үлкен қауіп туып отыр. Олар инструкцияға қарай жұмыс жасап жатыр. Өзенде сүңгу жұмыстарының өз нормативтері бар. Ағыс күшейген кезде сүңгуірлер ағыс бәсеңдегенше су түбінен шығып күте тұрады. Содан соң қайта жалғастырады. Өйткені бұл олар үшін де қауіпті», - деді Руслан Иманқұлов.

Төтенше жағдай қызметінің өкілі тұрғындардың жауапсыздығы туралы да айтып өтті.

«Осындай жауапсыз әрекеттерге баратын адамдар туралы да баса айтқымыз келеді. Бұл жер кілем жууға арналмаған аймақ. Адамдар тыйым салынған жерге бармауы тиіс», - деді ол.

Маман қазіргі таңда каналдың суын бұруға болмайтындығын айтты.

«Суды бөгеуге болмайды. Су бұрылатын болса, басқа жерлерді су басу қаупі туады. Жақын арада тұратын халықтың өміріне қатер туады. Су арнасын жабуды құзырлы органдар, яғни жергілікті әкімдіктер шешім қабылдауы керек», - деді Р.Иманқұлов.

Еске салсақ, 32 жастағы Әсия Мұсаева Үлкен Алматы каналына кілем жууға барғанда аяғы тайып өзенге ағып кеткендігі туралы жазған болатынбыз. Сондай-ақ, осыған ұқсас қайғылы оқиға Астанада қаласында да болған еді. 43 жастағы әйел екі қызымен бірге суға кетіп, көз жұмған болатын. Олар Нұра-Есіл арнасының жағасында кілем жуған.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT