+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Өзбекстанның Бас прокуратурасы Гүлнар Каримоваға қарсы жаңа іс қозғады

2019 жылғы 7 желтоқсан 11:40
Бөлісіңіз:
Өзбекстанның Бас прокуратурасы Гүлнар Каримоваға қарсы жаңа іс қозғады

ТАШКЕНТ. ҚазАқпарат – Гүлнар Каримоваға қатысты жаңа іс қозғалды, деп хабарлайды «ҚазАқпарат» ХАА меншікті тілшісі Озбекстан Республикасының Бас прокуратурасының баспасөз қызметіне сілтеме жасап.

Ұқсас жаңалықтар
Ауыр қылмыс жасап, іздеуде жүрген Ресей азаматы Қазақстаннан ұсталды Алматыда 12 пәтер ұрлығына қатысы бар деген күдікпен ағайынды екі жігіт ұсталды Сайт арқылы мүлкін сатпақ болған елорда тұрғындары алаяқтың құрбаны болуда

Қадағалау органының баспасөз қызметіндегілер атап өткендей, Өзбекстанның Бас прокуратурасы мен Әділет министрлігі АҚШ, Швейцария, Франция, Ресей Федерациясы және Латвия сияқты шет мемлекеттермен Г.Каримованың қылмыстық жолмен алынған 1,3 млрд. АҚШ доллары табысын қайтару мәселесі бойынша бірлесіп жұмыс жүргізіп жатыр, сонымен қатар жекелеген елдерде де қылмыстық істері тергелуде.

«Осы жұмыс аясында халықаралық құрылымдар мен азаматтардан Г.Каримованың бұрынғы тергеулерде қамтылмаған жаңа қылмыстары туралы деректер келіп түсті. Бұл жаңадан ашылған мән-жайлар жаңа қылмыстық іс қозғауға негіз болды. Тергеу барысында Г.Каримова бірнеше адамнан тұратын көптеген ұйымдасқан қылмыстық топ құрып, қылмыстық қауымдастықты басқарған. Г.Каримова және оның сыбайластары ұйымдасқан топтардың құрамында жасаған қылмыстары үшін сот тағайындаған жазаны өтеп жатыр», - делінген хабарламада.

«Қазіргі уақытта тергеу Г.Каримованың республиканың өнеркәсіп кәсіпорындарында жұмыс істейтін тағы бір ұйымдасқан қылмыстық тобының бар екенін анықтады, бұл топ оған қылмыстық жолмен алынған кірістердің бір бөлігін беріп отырған. Сонымен қатар, Г.Каримова қысым көрсету және қорқыту арқылы азаматтар мен түрлі компаниялардың иелерін өздері басқаратын компанияларға мүліктерін қайта тіркеуге мәжбүрлеген. Тергеудегі қылмыстық іс аясында келтірілген залалдың мөлшері 165 млн. АҚШ долларынан астам және 85 млрд-ты құраған. Осыған байланысты, бопсалау, иемдену жолымен тонау немесе ұрлау, Өзбекстанның мүдделеріне қайшы мәміле жасасу және елдің қылмыстық кодексінің тиісті баптарында қарастырылған қылмыстық қоғамдастық құрумен байланысты жасаған қылмыстар үшін жаңа айып тағылды», -деп атап өтті Бас прокуратураның баспасөз қызметі.

«Ташкенттің Яшнабад аудандық қылмыстық сотының үкімімен Г.Каримоваға қатысты қамауға алу түріндегі бұлтартпау шарасын қолданды. Істі тергеу барысында Г.Каримованың құқықтары мен заңды мүдделерін қорғауды өзі және оның жақын туыстары әкелген 7 қорғаушысы жүзеге асырады. Сонымен қатар, барлық тергеу әрекеттеріне қорғаушылардың қатысуы және онымен шектеусіз жеке кездесу мүмкіндігі қамтамасыз етілген», - деп хабарлайды Өзбекстан Республикасы Бас прокуратурасының баспасөз қызметі

Қазіргі уақытта істі тергеу аяқталды, Г.Каримова қорғаушылардың қатысуымен қылмыстық істің материалдарымен танысуда.

Фото: BBC.com

Біздің каналымызға жазылыңыз:

Бөлісіңіз:

Автор:

Аяулым Алтынбек

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT