+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Өзбекстанмен шекаралас ауданда жаңа жұмыс орындары ашылуда

2020 жылғы 29 ақпан 05:00
Бөлісіңіз:
Өзбекстанмен шекаралас ауданда жаңа жұмыс орындары ашылуда

КЕЛЕС. ҚазАқпарат – Түркістан облысында екі жыл бұрын бөлініп шыққан Келес ауданы өз алдына отау құрғалы қарқынды дамып келеді. Өзбекстанмен шекаралас ауданда жаңа мекемелер ашылып, жұмыс орындары ашылуда, деп хабарлайды ҚазАқпарат тілшісі.

Ұқсас жаңалықтар
СҚО-да биыл оңтүстіктен қоныс аударғандарға 700-ден астам тұрғын үй салынады Қазақстанда ипотекалық төлемдер үш ай тоқтатыла тұрады Атырауда сүрілген коттедж иесіне 91 млн теңге өтемақы берілді

Түркістан облысының әкімі Өмірзақ Шөкеев аталған ауданының даму жұмыстарымен танысып, басым бағыттың бірі қарқынды индустриализацияға берілгеніне көз жеткізді. Аймақ басшысы жұмыс сапарын аудан аумағынан кесіп өтетін республикалық маңызы бар «Жыззақ – Гагарин – Жетісай – Асықата – Қызыләскер – Сарыағаш – Жібек жолы» автомобиль жолының мәселесін анықтаудан бастады.

Өткен жылы басталған құрылыс жұмыстары бүгінде тоқтап қалған. Облыс басшысы мәселені шұғыл шешіп, құрылыс жұмыстарын жандандыруды тапсырды. Аудан әкімі Ақментай Есбаев қосымша облыстық маңызы бар Абай – Ошақты – Бірлік – Шардара автожолына толықтай жөндеу жұмыстары жүретіндігін баяндады.

Өңір басшысының ауданға жасаған сапары «Ауыл – Ел бесігі» бағдарламасы аясында атқарылған жұмыстармен танысумен жалғасты. Өткен жылы бағдарлама аясында 25 нысан жөндеуден өтіп, жаңартылған. Абай ауылындағы ішкі көшелермен қатар, аудандық «Мәдениет үйі» мен орталық спорт алаңының құрылысы қатар жүрген. Өмірзақ Естайұлы Абай ауылының ортасынан қиып өтетін республикалық жолды қайта құрылымдап, 4 жолақты етіп кеңейтуді жүктеді.

Жұмыс сапары барысында облыс басшысы жалпы құны 7 млрд 174 млн теңгені құрайтын Келес ауданындағы «Қызыләскер» қосалқы стансасының құрылысы» нысанында болды. Екі жыл бұрын басталған нысан құрылысын биылғы жылдың тамыз айында толық аяқтау жоспарланған.

Бүгінде қосалқы стансаның құрылысы аяқталып, автотрансформаторларды желіге қосу жұмыстары жүргізілуде. Электр стансасы іске қосылған сәтте, осы аумақтағы 4 ауданның халқы сапалы электр қуатын пайдаланатын болады.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT