Өзбекстандағы 5 ЖОО ШҚО университетімен серіктестік орнатпақ
Екі ел арасында білім беру саласындағы ынтымақтастықты дамыту мақсатында Д.Серікбаев атындағы ШҚМТУ Өзбекстанның 5 университетімен байланыс орнатуда. Аталмыш білім ордасының ректоры Жасұлан Шаймарданов Ташкентте Ақпараттық технологиялар университетінің, И.Кәрімов атындағы Ташкент Мемлекеттік техникалық университетінің, Ташкент Сәулет-құрылыс институтының, Ташкент Автомобиль-жол институтының, Самарқан Мемлекеттік университетінің басшыларымен кездесіп, бірнеше меморандумға қол қойып қайтқан.
«Өзбекстандық әріптестеріміз металлургия және геология саласы бойынша тәжірибе алмасуға ниет танытып отыр. Ташкент Сәулет-құрылыс институты біздегі кредиттік білім беру жүйесін өздеріне икемдеп көшірмекші. Ал Ташкент Автомобиль-жол институты көлік логистикасын құру бойынша бірлескен зерттеулер жүргізуге мүдделі» - дейді ШҚМТУ ректоры Жасұлан Шаймарданов.