18:45, 25 Қыркүйек 2018 | GMT +6
Өзбекстанда жол апатын видеотіркегішке түсіргендерге ақы төленетін болды
АСТАНА. ҚазАқпарат - Келесі жылдан бастап Өзбекстанда видеотіркегішке жол ережесін бұзғандарды түсіріп алып, видеосын ұсынғандарға ақы төленетін болады, деп хабарлайды ҚазАқпарат тілшісі.
Ел үкіметінің қаулысына сәйкес, сыйақы сомасы ең төменгі жалақының 5% құрайды. Бүгінгі таңда Өзбекстанда ең төменгі жалақы 184 300 сум, 5% дегеніміз - 9 215 сум (407 теңге).
Сондай-ақ, жол апатының видеотаспасын ұсынғандарға қатысты жеке мәліметтерді таратуға тыйым салынады.
Өзбекстанда автокөліктерге видеотіркегіштер орнату міндеттеледі. Құқық бұзушылық туралы видеотаспа процессуалдық шешім қабылдағанда қаралады.
Өзгеріс 2019 жылдың 1 шілдесінен енгізіледі.