08:19, 20 Қазан 2016 | GMT +6
Өзбекстанда тікұшақ апатынан 9 адам қаза тапты
АСТАНА. ҚазАқпарат - Өзбекстанның Ферғана облысында 18 қазан күні елдің Қорғаныс министрлігінің Ми-171 тікұшағы апатқа ұшырады. Бұл туралы сәрсенбі күні кешке UzDaily Қорғаныс министрлігінің баспасөз қызметіне сілтеме жасап хабарлады.
Тікұшақ жоспарлы түрде ұшқаны аталып өтілді. Апат салдарынан 3 экипаж мүшесі мен тікұшақ бортында болған 6 әскери қызметкер қаза тапты.
Қазір әуе апатының себебін анықтау үшін арнайы комиссия құрылды.