+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Өзбекстанда қанша қазақ тұрып жатыр

2021 жылғы 20 тамыз 20:24
Бөлісіңіз:
Өзбекстанда қанша қазақ тұрып жатыр

НҰР-СҰЛТАН. ҚазАқпарат – Өзбекстан Республикасында 800 мыңнан астам қазақ тұрып жатыр. Бұл туралы Өзбекстан Республикасының Қазақстандағы Төтенше және Өкілетті елшісі Саидикрам Ниязходжаев мәлім етті, деп хабарлайды ҚазАқпарат тілшісі.

Ұқсас жаңалықтар
Елбасы тарихи отанына оралған қандастарымыз жайында айтты Түркістанда Қазақстан мен Өзбекстанның өңіраралық ынтымақтастығының ІІІ форумы өтуде Депутат шетелдегі қандастарға ана тілін оқыту мәселесі туралы айтты

«2018 жылы Қазақстанда Өзбекстан республикасы жылы аталып өтілді. Айтулы жыл аясында Қазақстанда түрлі бағыттағы 90-нан астам іс-шара ұйымдастырылды. Сәйкесінше, 2019 жылы біздің елде Қазақстан жылы аталып өтілді және оның аясында 80-нен астам іс-шара өтті. Екіжақты өткен іс-шаралар саяси, ағарту, мәдени және гуманитарлық бағытты меңзеді. Өкінішке қарай, 2020 жылы пандемияға байланысты екіжақты іс-шараларды тоқтата тұруға тура келді. Дегенмен екі ел арасындағы өзара байланыс тоқтаған емес», - деді Саидикрам Ниязходжаев елордадағы Өзбекстан елшілігінде өткен баспасөз мәслихатында.

Одан бөлек, елші Өзбекстандағы қандастардың тағдыры туралы айтты.

«Қазіргі таңда Өзбекстанда 822 мың қазақ өмір сүріп жатыр. Олар Өзбекстан елінің дамуына өз үлесін қосуда. Біздің елде 400-дей мектеп қазақ тілінде білім беріп жатыр. Сонымен қатар, Өзбекстанның 7 жоғары оқу орнында гуманитарлық және техникалық мамандықтар қазақ тілінде үйретіліп жатыр. 1992 жылдан бері Өзбекстанның 30 облыс орталығында қазақ мәдени орталығы жұмыс істеп тұр», - дейді ол.

Бұған дейін, Саидикрам Ниязходжаев биылғы 6 ай ішінде Қазақстан мен Өзбекстан елі арасындағы тауар айналымы 1,9 млрд АҚШ долларға жеткенін мәлім етті.

Одан бөлек, Өзбекстан елшісі екі ел аумағында бірлескен фармацевтика өнеркәсібін ашу жоспарланып жатқанын айтты.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT