Өзбекстанда автобустағы газ баллон жарылып, 6 адам көз жұмды
2022 жылғы 18 тамыз 20:34

Өзбекстанда автобустағы газ баллон жарылып, 6 адам көз жұмды

ТАШКЕНТ. ҚазАқпарат – Өзбекстанның Сырдария облысында автобустағы газ баллоны жарылып, 6 адам қаза тапты, деп хабарлайды ҚазАқпарат.

Өзбекстан Төтенше жағдайлар министрлігінің мәліметінше, қайғылы оқиға 18 тамыз күні сағат 14:30 шамасында Сырдария облысының Ақалтын ауданында болған.

Автобустың газ баллондарының бірі газ құю станциясында жарылған. «Алдын ала мәлімет бойынша, оқиға салдарынан 6 адам қаза тауып, 15-і әртүрлі дәрежедегі дене жарақаттарын алды», - деді ведомствоның баспасөз қызметінен.

Оқиғаның мән-жайын Өзбекстанның Төтенше жағдайлар министрлігінен құралған жұмыс тобы тексеріп жатыр.


Фото: t.me/MCHSUzbek


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT