Өзбекстанда 4 миллионнан астам тұрғын коронавирусқа қарсы екпе алады
Вакцинацияның бірінші кезеңінде 4 112 668 адамды тегін егу жоспарланып отыр.
Оның арасында:
1. Егде жастағы адамдар: - 65-тен 74-жасқа дейінгі – 1 085 797 адам; - 75-тен 84-жасқа дейінгі – 388 686 адам; - 85 жастан және одан жоғары– 139 280 адам;
2. Медицина қызметкерлері – 447 976 адам;
3. Созылмалы аурулары бар адамдар – 888 190 адам;
4. Мектеп мұғалімдері – 689 383 адам;
5. Мектепке дейінгі білім беру мекемелерінің қызметкерлері – 223 426 адам;
6. Құқық қорғау органдары мен қарулы күштердің өкілдері – 180 000 адам.
Өзбекстанда вакцинацияның басталуы наурыздың бірінші жартысына жоспарланған.
Оны өткізу үшін Ташкенттегі және елдің барлық аймағындағы емдеу-профилактикалық мекемелерінен 3138 кабинет бөлінген.
Сонымен қатар халықты коронавирусқа қарсы вакцинацияға 820 мобильді бригада тартылады.