+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Өзбекстан Түркістанға сый ретінде 5 мың орындық мешіт салуда

2021 жылғы 3 тамыз 16:48
Бөлісіңіз:
Өзбекстан Түркістанға сый ретінде 5 мың орындық мешіт салуда

ТҮРКІСТАН. ҚазАқпарат - Түркістан қаласына кіреберісте әлемдегі озық тәжірибелерді ұштастырған еңселі мешіт бой көтеріп жатыр. Жобаға Өзбекстан Республикасының Президенті Шавкат Мирзиёев қолдау көрсетуде, деп хабарлайды ҚазАқпарат тілшісі.

Ұқсас жаңалықтар
Өзбекстан Жоғарғы соты ақтаған 115 «басмашының» тізімі жарияланды

Өзбекстан мемлекетінің Түркістанға тартуы ретінде салынып жатқан мешіттің құрылысын келер жылы аяқтау жоспарланған.

Сәулеті ерекше Ислам орталығының ішкі және сыртқы безендірілуі шығыс нақышында жүргізілуде. Жаңа жоба жан-жақты зерделеніп, әлем елдеріндегі озық тәжірибелер ескерілген. Мешіт іргесінің берік болуы үшін өзіндік технология әзірленген.

Ислам орталығының жалпы көлемі – 20 мың шаршы метр.

Айта кетейік, бүгін облыс әкімі Өмірзақ Шөкеев Түркістан қаласындағы құрылыс алаңдарын аралап, жауапты басшыларға нақты тапсырмалар жүктеді. Қазіргі таңда облыс орталығының әкімшілік-іскерлік орталығында 5, 7, 9, 12 және 20 қабатты 60 тұрғын үй бой көтерді. Сондай-ақ әкімшілік ғимараты бар 20 қабатты тұрғын үй құрылысы жүріп жатыр.

Облыс әкімі «Yassy Tower» бизнес орталығының құрылысымен де танысты. Әкімшілік-іскерлік орталықта орналасқан заманауи ғимараттың 13 қабатында құрылыс жұмыстары жүріп жатыр.

Бұдан бөлек, Өмірзақ Шөкеев Түркістанда салынып жатқан әлемдік стандарттарға сай Мұз айдынында болды. 1200 адамға лайықталған Мұз айдыны келер жылы пайдалануға беріледі деп жоспарланып отыр.


Біздің каналымызға жазылыңыз:

Бөлісіңіз:

Автор:

Айнұр Ақбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT