+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Өзбекстан Түркі кеңесінің құрамына кіретін болды

2019 жылғы 13 қыркүйек 00:06
Бөлісіңіз:
Өзбекстан Түркі кеңесінің құрамына кіретін болды

АНКАРА. ҚазАқпарат-Анодолу – Өзбекстан Түркітілдес мемлекеттердің ынтымақтастық кеңесіне мүшелікке өту жөнінде шешім қабылдады. Түркия СІМ басшысы Мевлют Чавушоглу осылай мәлімдеді, деп хабарлайды ҚазАқпарат Анадолу агенттігіне сілтеме жасап.

Ұқсас жаңалықтар

Оның айтуынша, Түркітілдес мемлекеттердің ынтымақтастық кеңесі біртіндеп кеңейіп келеді, халықаралық ұйымның кезекті саммиті 16 қазанда өткізіледі.

«Өзбекстан Түркітілдес мемлекеттердің ынтымақтастық кеңесіне мүшелікке өту жөнінде шешім қабылдады. Өзбек тарапының ресми өтініші Түркі кеңесінің хатшылығына келіп түсті деді», - деді Мевлют Чавушоглу.

Түркия Сыртқы істер министрінің айтуынша, мүшелікке өтуге қажетті құжаттар Ташкентке берілген. Ресми мүшелікке өту үдерісі таяу арада аяқталады.

«Ашғабат кеңеске бақылаушы мемлекет ретінде қатысуға әзір екенін жеткізді. Біздің тарапқа Түрікменстан екі мәрте оң ниет танытты», - деді Чавушоглу.

Министрдің атап өтуінше, Түркітілдес мемлекеттердің ынтымақтастық кеңесінің Бас хатшысы Бағдат Әміреев көмекшісімен бірге Ашғабат аттанбақшы.

Жақында Түркітілдес мемлекеттердің ынтымақтастық кеңесі маңызды аймақтық ойыншыға айналады, дейді Чавушоглу.

Былтырғы Ыстықкөлде өткен саммит кезінде Мажарстан кеңеске бақылаушы мемлекет ретінде қосылғанын министр еске салды. 19 қыркүйекте Будапештте Түркітілдес мемлекеттердің ынтымақтастық кеңесінің еуропалық кеңесі ашылады, оған ұйымға мүше елдердің СІМ басшылары қатысады, деді Чавушоглу.

Еске сала кетсек, 2009 жылы қазан айында Нахчыванда (Әзербайжан) өткен саммитте жаңа ұйым құрылғаны жария етілді, оның тұжырымдары 2010 жылы 16 қыркүйектегі Ыстанбұл декларациясында көрсетілген.

Алғашқы кезеңде Түркі кеңесіне Түркия, Әзербайжан, Қазақстан мен Қырғызстан кірді.

Ұйым құрылғалы бері Түркі кеңесіне мүше мемлекеттердің басшыларының алты кездесуі өткізілді.


Біздің каналымызға жазылыңыз:

Басты сөздер: Түркі елдері, Түркия,
Бөлісіңіз:

Аударма:

Жәнібек Амангелді

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT