+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Өзбекстан Олий Мажлисінің спикері: Елбасы мақаласында қамтылған идеялардың маңызы зор

2018 жылғы 26 қараша 14:24
Бөлісіңіз:
Өзбекстан Олий Мажлисінің спикері: Елбасы мақаласында қамтылған идеялардың маңызы зор

АСТАНА. ҚазАқпарат - Өзбекстанда Нұрсұлтан Әбішұлының жеке қасиеттері әрқашан да жоғары бағалануда. Бүгін Астанада ҚР Тұңғыш Президенті күніне арналған халықаралық парламенттік конференцияда Өзбекстан Олий Мажлисі Заң шығарушы палатасының спикері Нуриджон Исмоилов осылай айтты, деп хабарлайды ҚазАқпарат.

«Тәуелсіздік жылдарында Қазақстандағы ең басты стратегиялық шешімдер Президент Нұрсұлтан Назарбаевтың тікелей қатысуымен жүзеге асырылды. Бүгінде Қазақстандағы президенттік билік өзінің тарихи міндетін жарқын үлгіде атқара алғанын сенімді айтуға болады. Өзбекстанда Нұрсұлтан Әбішұлының жеке қасиеттері әрқашан да жоғары бағалануда. Тәуелсіздік жылдарында екі ел басшылығы арасында мейірімді, ашық әрі достық қатынастар қалыптасты. Сәйкесінше, бұл бағыттағы қадамдар бауырлас халықтардың байланысына оңтайлы ықпал етті», - деп тоқталды Нуриджон Исмоилов.

Сонымен қатар, ол бүгін ҚР Парламенті Мәжілісінің төрағасы Нұрлан Нығматулинмен екі ел парламенттері арасындағы қатынастардың перспективасы талқыланғанын, осы ынтымақтастықты тереңдету аясында тиісті меморандумға қол қойылғанын атап өтті.

«Біз Өзбекстанда Қазақстан Президентінің «Ұлы даланың жеті қыры» атты мақаласымен танысып шықтық. Сонымен қатар, «Рухани жаңғыру» бағдарламасы секілді таяуда жарияланған мақалада көтерілген тақырыптар Қазақстан халқының ұлы болашағына жол сілтейтін тереңнен ойластырылған бағыттарды қалыптастырды. Онда қамтылған идеялардың маңыздылығы зор. Бұл еңбектер ұлттық тарихты түсіну ісіне маңызды тәжірибелік үлесін қосады, сондай-ақ қазақстандық қоғамның тұрақты дамуындағы перспективаларды айқындауға ықпал етеді», - деді Нуриджон Исмоилов.

Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT