Қолданушы баптаулары
Қолданушы баптаулары
+7 (701) 759 90 19 Лента
USD 379.01 EUR 423.24
RUB 5.90 CNY 54.92
Jańalyqtar

Өз әріптесін атып өлтірген полицей сотталды

2019 жылғы 15 мамыр 16:43 281
Бөлісіңіз:
Өз әріптесін атып өлтірген полицей сотталды

АЛМАТЫ. ҚазАқпарат - Алматыда әріптесін басынан атып өлтірген Азамат Берістемов 11 жыл 3 айға сотталды, деп хабарлайды ҚазАқпарат тілшісі.

Ұқсас жаңалықтар
Ақтөбеде заңсыз балық сату ісіне қатысты полиция қызметкері сотталды СҚО-да қылмыстық топтың 206 томнан тұратын ісі сотқа жолданды

Мамандандырылған ауданаралық сотының судьясы  инспектор Азамат Берістемовті 11 жыл 3 айға бас бостандығынан айыру туралы үкім шығарды.

Еске салайық, 2018 жылы қыркүйек айының соңына қарай Алматыда Жергілікті полиция инспекторы Азамат Берістемов өзінің әріптесі Сәбит Бегланұлын атып тастаған болатын. Жарақат алған Сәбит Бегланұлы сол күні, түнгі сағат 22.00-де ауруханада көз жұмды. Кейін тәртіп сақшыларының бір-біріне туыс екендігі анықталды.  Аталған оқиғаға байланысты ҚР Ішкі істер министрі Қалмұханбет Қасымов пікір білдірген болатын.

«Күдікті кезекшілікке келіп, қаруды қабылдаған. Кейін гараждан автокөлікті алуға шыққан кезде, ол күйеу баласымен жолыққан. Көз жұмған қызметкер кезекшілігін тапсыруға келген. Соңғы алты ай мерзімде ол отбасымен бірге тұрмаған көрінеді. Кешқұрым қызметкерлер кездесіп қалған кезде жанжал туындап, соның салдарынан біріншісі қарудан оқ атқан», - деп нақтылады ведомство басшысы.

Өзінің әріптесі, әрі күйеу баласы Сәбит Бегланұлын атып өлтірген инспектор Азамат Берістемов осыдан бір жылдай уақыт бұрын әкесінен айырылған. 2018 жылы 31 наурызда Талдықорған облыстық қорғаныс департаментінің басшысы Бердібек Берістемовті өзінің орынбасары кабинетінде атып өлтірген болатын.

«Біздегі қызметкерлердің барлығы жыл басында тестілеуден өтеді. Берістемов те өтті. Оның әкесі оққа ұшқан соң, біз оны мамырда тағы тестілеуден өткіздік. Әңгімелестік. Тестілеу нәтижесінде оның дені сау болып шықты. Ол психологиялық тұрғыдан тұрақты, күйзеліске төзімді көрінді. Ол тым сенімді, өзін-өзі өте жоғары бағалайтын. Тік мінезді, қырсықтығы да бар еді. Сонымен қатар, адамдармен жақсы тіл табысатын, достары да көп еді», - деді Альбина Сағатбаев.

Ал марқұм болған Сәбит Бегланұлы басқа бөлімшеде қызмет еткен. Ол да психологиялық тәуекел тобында болған.

 

 

Біздің каналымызға жазылыңыз:

Басты сөздер: Алматы, Сот,
Бөлісіңіз:

Автор:

Гүлмира Ғосманәли

Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
MURAǴAT