+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Отырар ауданында жол сапасына мониторингтік бақылау жүргізілді

2019 жылғы 8 қараша 20:53
Бөлісіңіз:
Отырар ауданында жол сапасына мониторингтік бақылау жүргізілді

ТҮРКІСТАН. ҚазАқпарат – Түркістан облысы Отырар ауданындағы жергілікті жолдың сапасына мониторингтік бақылау жүргізілді. «Сапалы жол - Түркістан адалдық алаңы» жобалық кеңсесі жүргізген қоғамдық бақылау жұмыстары аудан орталығы Шәуілдір және Отырар ауылдарында өтті, деп хабарлайды ҚазАқпарат тілшісі.

Автокөлік жолдарының сапасын сараптау мақсатында жүргізілген шараға «Түркістан - адалдық алаңы» жобалық кеңсесінің менеджері Ерұлан Тұңғышбаев пен аудан әкімінің орынбасары Тоқсейіт Елекеев, жол саласына жауапты бөлім басшылары мен арнайы мониторинг тобының мүшелері, «Nur otan» партиясы филиалының өкілдері мен тілшілер, жол сапасы зертханасы мамандары мен жауапты мердігер компания басшылары қатысты.

Мониторинг барысында жылжымалы жол зертханасы арқылы жаңадан салынған 5 көшеден сынама алынды. Тексеру нәтижесінде асфальт төсенділерінің және суағарлардың сметалық құжатта көрсетілген құрылыс талаптарына сай жүргізілгені анықталды.

Айта кетейік, алдағы уақытта жобалық кеңсе тарапынан облыстағы барлық аудан-қалалардың жолдары бақылауға алынып, мониторинг жұмысы жүйелі түрде жүргізілмек.

Біздің каналымызға жазылыңыз:

Бөлісіңіз:

Автор:

Айнұр Ақбаева

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT