Отын қоймаларында 1 млн тонна көмір, 35 мың тонна мазут жинақталған
«Электр стансаларында қажетті отын жинақтау жалғасуда. Энергия көздері қоймаларындағы көмір қоры 4,5 млн тоннаны құрайды. Бұл өткен жылғы деңгейден 7 пайызға артық. Ал мазут 104 мың тонна, бұл өткен жылғы деңгейден 3 пайызға көп. Орталықтандырылған жылумен жабдықтау жүйесіндегі қазандықтардың отын қоймаларында 1 млн 41 мың тонна көмір, 35,5 мың тонна мазут жинақталған. Бұл бекітілген нормаларға сәйкес келеді», - деді ол.
Нұрлан Ноғаевтың айтуынша, биылғы жылдың қыркүйегінде Энергетика министрлігі жергілікті атқарушы органдардың өтінімдеріне сәйкес 237 мың тонна көлемінде «2020-2021 жылғы күзгі-қысқы кезеңде әлеуметтік-өндірістік объектілер мен мекемелерге мазут жеткізу бойынша мұнай мен мұнай өнімдерінің негізгі ресурс ұстаушыларына облыстар мен Нұр-Сұлтан, Алматы және Шымкент қалаларын бекіту кестесін» қабылдады.
«Бұл ретте жылыту кезеңіне ұсынылатын «әлеуметтік мазут» бағасы МӨЗ зауыттарында 1 тоннасы үшін қосымша құн салығын қоса алғанда 58 000 теңге деңгейінде болады», - деді министр.
Сонымен қатар, ол бүгінгі күн тәртібіндегі маңызды мәселе – энергия өндіруші кәсіпорындардың отын үшін кредиторлық берешегі екендігін баса айтты.
«Биылғы 28 қыркүйектегі жағдайға сәйкес, энергия өндіруші ұйымдардың «ҚазТрансГаз-Аймақ» АҚ алдындағы берешегі 4 млрд 600 млн теңгені құрады. Сондай-ақ, энергия өндіруші ұйымдардың «Богатырь-Көмір» серіктестігі алдында жалпы сомасы 3 млрд 562 млн теңге берешегі бар. Қарыздарды жою бойынша тиісті жұмыстарды жүргізудеміз», - деді Нұрлан Ноғаев.