Өткен жылғы мектеп түлектері ҰБТ-ға қатысып, қайтадан грант конкурсында бақ сынай алады

АСТАНА. ҚазАқпарат - Өткен жылғы мектеп және колледж түлектері биылғы негізгі ҰБТ-ға қатысып, 1-курсқа түсе алады, деп хабарлайды ҚазАқпарат.

Ұлттық тестілеу орталығының мәліметінше, олар қазіргі уақытта университетте ақылы бөлімде оқып ждүрген болса, ҰБТ-ға қатысу үшін міндетті түрде университеттен шығудың қажеті жоқ.

Жоғары оқу орнында оқып жатып ҰБТ тапсыра беруге болады.

Алайда тестілеуден тиісті балл жинап, грант конкурсына өтініш беретін кезде студент ретінде ешқандай университетте тіркелмеген болуы керек.

Қайталап өтейік, ҰБТ тапсыру кезінде университетте оқи беруге болады, ал грант конкурсына қатысатын кезде - болмайды.

Сондай-ақ, естеріңізге сала кетейік, басқа БББТ-ға ауысуға ниетті шығармашылық мамандық студенттері мен ақылы негізде «педагогикалық ғылымдар» білім саласына ауысуға ниетті білімгерлер тек қаңтар және тамыз айларындағы ҰБТ-ға қатыса алады.