Өткен айда 17 өңірде инфляция өсті

АСТАНА. ҚазАқпарат – Қазақстанның 17 өңірде инфляцияның ең жоғары деңгейі тіркелді, деп хабарлайды ҚазАқпарат Ұлттық банкке сілтеме жасап.

«Осы жылы ақпан айында елде жылдық инфляция 21,3%-ды құрап (қаңтарда – 20,7%), қарқын ала түсті. Аймақтар бойынша инфляция 17 өңірде жеделдеп, 3 облыста баяулады. Жылдық инфляцияның ең жоғары мәні Маңғыстау облысында, Астана қаласында және Ақмола облысында тіркелді», - делінген ҰБ хабарламасында.