Отбасы шырқын бұзған 852 қызылордалық есепке алынды
2022 жылғы 11 тамыз 22:46

Отбасы шырқын бұзған 852 қызылордалық есепке алынды

ҚЫЗЫЛОРДА. ҚазАқпарат - Қызылорда қаласында отбасы шырқын бұзған 852 адам есепке алынды, деп хабарлайды ҚазАқпарат тілшісі.

Облыс орталығында жыл басынан 102 арнасына отбасы жанжалы бойынша 962 хабарлама түскен. Тұрмыстық қарым-қатынаста сыйламаушылық әрекетін жасағаны үшін ҚР Әкімшілік құқық бұзушылық туралы кодексінің 73-бабымен 78 адам әкімшілік жауапкершілікке тартылды.

«Полиция тарапынан отбасы шырқын бұзған 852 адам қорғау нұсқамасы санатымен есепке алынды. Сондай-ақ, 234 адамның мінез-құлқына қатысты сот қаулысымен ерекше талаптар белгіленген. Оларды жергілікті полиция қызметі бөлімінің учаскелік полиция және әйелдерді зорлық-зомбылықтан қорғау тобының инспекторлары тұрғылықты мекенжайлары бойынша үнемі тексереді. Қайта құқық бұзушылыққа бармау бағытында түсіндірме жүргізіледі», - деп мәлім етті Қызылорда қалалық полиция басқармасынан.

Ведоомство мәліметінше, қала аумағында 3 әлеуметтік дағдарыс орталығы бар. Аталған орталықтарда жыл басынан 87 әйелге әлеуметтік көмек көрсетілген.

Еске салсақ, бұдан бұрын Қызылордада танысын өлтірген ер адам 13 жылға сотталды .


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT