Отандық  фармацевтикалық зауыт  жылына 90 млн құты инъекциялық ерітінді шығарады

АЛМАТЫ.ҚазАқпарат – Алматы облысының, Қарасай ауданында орналасқан фармацевтикалық зауыт жылына 90 млн құты инъекциялық ерітінді шығарады, деп хабарлайды ҚазАқпарат тілшісі.

Ұқсас жаңалықтар

Қарағанды облысында алдағы екі жылда дәрігерлерге 300 пәтер бөлінеді

Ақмола облысында карантиндік шектеулер туралы жаңа қаулы шықты Қарқаралыда дәрігерлер пәтер алды Манар Смағұл: Вакцинаның шығарылуы – қауіпті індеттің алдын алуға қол жеткізу

Қазіргі уақытта еліміздегі фармацевтикалық өнімдердің ірі өндірушісі болып саналатын зауыттың қуаты ішкі нарықты толық көлемде дәрілік өніммен қамтамасыз ету үшін жеткілікті көлемде инъекциялық ерітінділер өндіруге мүмкіндік береді. Өнім өндірудің жылдық көлеміне жүз елуден астам атау енгізілген. Кәсіпорынның өндірістік қуаты жылына 90 млн құты инъекциялық ерітіндіні құрайды.

Қазіргі уақытта барша әлемді жайлаған дерт жеке қорғану құралдарымен және барлық қажетті дәрі-дәрмектермен жеткілікті қамтамасыз ету үшін жеке ресурстардың болуы қаншалықты маңызды екендігін көрсетті. Отандық фармацевтикалық өндірісті дамытуда мемлекеттің қолдауы және қазақстандық дәрілік заттарды өндірушілермен ұзақ мерзімді шарттар жасасу жөніндегі «СҚ-Фармация» ЖШС жобасын іске асыру шешуші рөл атқарды. Ынтымақтастықтың мұндай түрі отандық өндірушілер өндіретін дәрілік заттар номенклатурасының тізімін кеңейтуге мүмкіндік береді.

Бүгінде кәсіпорында 420 адам еңбек етеді. Зауыт қызметкерлері жұмысқа қабылданатын әрбір маман үшін фармацевтикалық өнеркәсіп, ғылыми зерттеулер мен әзірлемелер саласында оқыту жүргізеді. Сонымен қатар, өндіріс ошағы С.Д. Асфендияров атындағы медицина университетімен шарт жасасты. Осылайша оқу орнының түлектері Қытайда біліктілігін арттыру бойынша тағылымдамадан өтіп, білімдерін шыңдайды.