+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Отан алдындағы парызды өтейтін сәт туды - жасотандық Президент Жарлығы жайында

2020 жылғы 3 сәуір 15:33
Бөлісіңіз:
Отан алдындағы парызды өтейтін сәт туды - жасотандық Президент Жарлығы жайында

НҰР-СҰЛТАН. ҚазАқпарат - Қазақстан Президентінің әскери міндеттілерді арнаулы жиынға шақыру туралы Жарлығын орындап, Отан алдындағы парызымызды өтейтін сәт туды. Мұндай пікірді «Jas Otan» жастар қанаты Қарағанды облыстық филиалының төрағасы Ержан Хамитов білдірді, деп хабарлайды ҚазАқпарат тілшісі.

«Президентіміз Қасым-Жомарт Тоқаевтың әскери міндеттілерді арнаулы жиынға шақыру туралы Жарлығын толықтай қолдаймын. Өзімде елімізді қорғайтын күн туса, Отанымызда қандай да бір қиындық болып, төтенше жағдай орын алып жатса, борышымды өтеймін деген ой санамда үнемі жүретін. Енді міне Мемлекет басшымыздың әскери міндеттілерді арнаулы жиынға шақыру Жарлығы шығып отыр. Сондықтан еліміздегі төтенше жағдай кезінде Отанымызға бар-күш жеріммен көмек көрсетуге дайынмын», - деді облыстық филиал төрағасы.

Сонымен қатар ол қазіргі уақытта жастарымыз Президенттің осы Жарлығына қолдау көрсетіп, әскери міндеттерін орындауға белсене атсалысатындығына сенімді екендігін айтты.

«Әскери борышты өтеу кез келген ер-азаматтың мойнындағы парызы деп санаймын. Сондықтан еліміз үшін осынау қиын кезеңде әскери міндеттілер арнаулы жиынға қатысатындығына сенімім мол», - деді Ержан Хамитов.

Естеріңізге сала кетсек, кеше Қазақстан Президенті әскери міндеттілерді арнаулы жиынға шақыру туралы Жарлық шығарған болатын.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT