USD 435.1 EUR 493.27
RUB 5.69 CNY 68.63
Jańalyqtar

Өскемендік мұғалімдер мен ата-аналар Pfizer вакцинасы жайлы пікірлерімен бөлісті

2021 жылғы 5 желтоқсан 17:56
Бөлісіңіз:
Өскемендік мұғалімдер мен ата-аналар Pfizer вакцинасы жайлы пікірлерімен бөлісті

ӨСКЕМЕН. ҚазАқпарат – Өскемен қаласындағы мұғалімдер мен ата-аналар Pfizer вакцинасы жайлы пікірлерімен бөлісті, деп хабарлайды ҚазАқпарат тілшісі.

Ұқсас жаңалықтар
Алматыда коронавирус жұқтырған 189 бала ауруханада жатыр Алматыда мәдениет және спорт нысандары қалай жұмыс істеп жатыр СҚО-да КВИ жұқтырған 23 адамның халі нашар

12-18 жас аралығындағы оқушылар мен студенттер Pfizer вакцинасын салдыруда. Шығыс Қазақстанда аталған вакцинамен егу науқаны 15 қарашада басталған. Өскемен қаласындағы № 39 орта мектеп директоры Гүлмира Абюрова да өз балаларына екпе салдыруға келісім берген.

«Жолдасым екеуіміз балаларды вакцинациялау жөн деп шештік. Өйткені ата-ана ретінде міндетіміз – олардың қауіпсіздігін қамтамасыз ету. Балаларымда екпеден кейін жанама әсерлер болған жоқ. Осы ретте, ата-аналарды дұрыс таңдау жасауға шақырамын. Тек вакцина арқылы ғана қалыпты өмірге орала аламыз», - дейді ол.

№ 19 орта мектеп директоры Қайрат Киікбаев өз сөзінде мұғалімдер, ата-аналар толғандырған сұрақтарға жауап алу үшін медицина мамандарымен кездесу ұйымдастырылғанын айтты.

«Түсіндіру жұмыстарынан кейін олардың басым бөлігі вакцина алуға бел буды. Оның ішінде менің 17 жастағы ұлым да бар. Вакцинация денсаулықты сақтаудың жалғыз механизмі деп санаймын. Біздің мектепте мұғалімдердің жүз пайызы екпе салдырған», - деді ол.

Жасөспірімдерді вакцинациялау тек ата-аналардың немесе олардың заңды өкілдерінің жазбаша келісімімен ғана білім беру ұйымдарының медициналық кабинеттерінде және емханалар жанындағы вакцинация орталықтарында жүргізілуде.

«Вакцинация балалар үшін өте маңызды. Вирус барлық жерде таралып жатыр. Менің ұлым да екпе алды. Ол өзін жақсы сезінеді, ешқандай шағым жоқ. Барлық ата-ана өз баласының денсаулығы үшін дұрыс шешім қабылдауы керек», - деп өз ойымен бөлісті ата-аналардың бірі Оксана Гончарова.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT