15:09, 30 Қаңтар 2020 | GMT +6
Өскемендегі май зауытында шыққан өрт сөндірілді
ӨСКЕМЕН. ҚазАқпарат - Өскемен қаласындағы май зауытында шыққан өрт ауыздықталды, деп хабарлайды ҚазАқпарат.
Қалалық төтенше жағдайлар бөлімінің хабарлауынша, Степная көшесіндегі май зауытында бүгін сағат 11.10-да басталған өрт 13.30 шамасында толықтай сөндірілді.
«Өрт аумағы 670 шаршы метрді құрады. Қызыл жалын күнбағыс дәнін тазалау цехы мен қоймаларды шарпыған. Өртті сөндіруге 70 адам мен 20 техника жұмылдырылды» - делінген ведомство мәліметінде.
Естеріңізге сала кетсек , осыған дейін Өскеменде май зауытында өрт шыққаны жайлы хабарланған болатын.