Өскемендегі мамандандырылған ХҚО-ның жұмыс уақыты өзгерді
«Азаматтарға арналған үкімет» мемлекеттік корпорациясы ШҚОФ мәліметіне сүйенсек, 24 қыркүйектен бастап Өскемен қаласындағы автоХҚО жұмыс кестесі өзгерді. Енді орталық сенбі күні сағат 09:00-ден 13:00-ге дейін ашық болады.
«Мамандандырылған ХҚО-ның жоғары жұмыс жүктемесіне байланысты жұмыс кестесін өзгерту туралы шешім қабылданды. Кезекті «Мобильді ХҚО» қосымшасы, eGov mobile, EgovKzBot2.0 Телеграм-бот, eGov және 1414 Бірыңғай байланыс орталығы арқылы алдын-ала брондауға болады. АвтоХҚО мемлекеттік қызметтер бойынша өтініштерді сенбі күндері жергілікті уақыт бойынша 9.00-ден 13.00-ге дейін қабылдайды, құжаттар 09-00-ден 15-00-ге дейін табысталады», - делінген ақпаратта.
Айта кетейік, Өскемен қаласы бойынша кезекші Халыққа қызмет көрсету орталығы Белинский 37а көшесінде, ал автоХҚО Абай даңғылы 203/3 мекен-жайында орналасқан.