Өскеменде зираттарды бүлдірген екі адамды сот 4 жылға соттады

None
ӨСКЕМЕН. ҚазАқпарат – Өскемен қаласында зираттарды бүлдірген екі ер адамға қатысты сот үкімі шықты, деп хабарлайды ҚазАқпарат тілшісі.

Қалалық №2 соты баспасөз қызметінің мәліметіне сүйенсек, сотталушылар металл сынықтарын қабылдау пунктіне өткізу үшін зираттарды бүлдіріп келген.

«Өскеменнің іргесіндегі Глубокое ауданы Степное ауылында тұратын М. есімді азамат қылмыстық әрекетін ойластырған соң танысы У-мен сөз байласады. Ұлан ауданы Қасым Қайсенов кентінде тұратын оған жоспарының бүге-шігесін түсіндірген соң екеуі іске кіріскен. Айыпталушылар бір айдың ішінде қаладағы 7 зиратты бүлдірген», - делінген ақпаратта.

Сот отырысында ер адамдарға ҚР Қылмыстық Кодексінің 314-бабы (топ болып алдын ала сөз байласып, жерлеу орындарын бірнеше рет бүлдіру және қорлау) және 188-бабы (ұрлық) бойынша айып тағылды. Сотталушылар өз кінәларын толықтай мойындаған. Сот шешімімен олар төрт жылға бас бостандығынан шектелді.

Еске салсақ, Өскеменде зираттарды бүлдірген екі ер адам ұсталғанын хабарлаған едік.


Соңғы жаңалықтар