+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Өскеменде жетім баланың пәтерінде мемқызметші тұрып жатқаны жайлы ақпарат - жалған

2020 жылғы 25 қыркүйек 17:15
Бөлісіңіз:
Өскеменде жетім баланың пәтерінде мемқызметші тұрып жатқаны жайлы ақпарат - жалған

ӨСКЕМЕН. ҚазАқпарат – Өскемен қаласының әкімдігі жетім балаларға берілетін жалдамалы пәтердің мемлекеттік қызметкерге берілгені жайлы ақпаратты теріске шығарды, деп хабарлайды ҚазАқпарат тілшісі.

Ұқсас жаңалықтар
Бақытжан Сағынтаев «Зерделі» ықшамауданындағы жағдайды өз бақылауына алды Ұлттық банк «Баспана хит» ипотекалық бағдарламасына өзгеріс енгізді Даниал Ахметов Өскемендегі көпқабатты үйлердің құрылысын сынға алды

24 қыркүйекте бұқаралық ақпарат құралдарында қалалық әкімдік қызметкерлерінің кәмелет жасына толмаған жетім балаларға берілген жалдамалы пәтерде тұрып жатқаны жайлы ақпарат тараған. Осыған орай бастамашыл топ 100-ден астам пәтерді аралап, тексеру жүргізді.

Анықталғандай, «Үміт» балалар үйінің кәмелетке толмаған тәрбиеленушілеріне берілген пәтерлердің бірінде басқа адам тұрып жатыр. Нақтыланбаған мәлімет бойынша, ол Өскемен қаласы әкімінің аппаратында жұмыс істейді.

Әкімдіктің мәліметінше, бұл пәтер балалар үйінің 13 жастағы тәрбиеленушісіне тиесілі. Бірақ жасөспірім үйде жалғыз өзі тұра алмайтындықтан, балалар үйінің басшылығы ол кәмелетке толғанға дейін пәтерді үшінші адамға беру туралы шешім қабылдаған.

«Бізге 4 жасында келген баланы бірден баспана кезегіне қойдық. Бірақ оның кезегі 18 жасқа толмай тұрып келіп қойды. Пәтерден бас тарта алмаймыз, өйткені содан кейін бала мүлдем баспанасыз қалуы мүмкін. Жетім және ата-ана қамқорлығынсыз қалған балаларды тұрғын үймен қамту ережесі бойынша біздің пәтерді үшінші тұлғаға жалға беруге хақымыз бар», - дейді «Үміт» балалар үйінің педагогы Қарлығаш Құсайынова.

Оның айтуынша, пәтерді жалға беру кезінде балалар үйі жалдаушының жұмыс орнын анықтауға тиіс емес. Ал пәтерде уақытша тұратын адам ай сайын үйді жалға алу бағасы мен коммуналдық төлемдерді төлеп, баланың есепшотына 20 мың теңге аударып отырады.

Әкімдік өкілдерінің хабарлауынша, аталған факті бойынша қызметтік тергеу жүргізілген. Соның нәтижесінде пәтерді жалдап тұрып жатқан адамның Өскемен қаласы әкімдігінің қызметкері еместігі анықталды.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT