Өскеменде жалған құжат жасаумен айналысқан қылмыстық топтың жолы кесілді

ӨСКЕМЕН. ҚазАқпарат – Өскемен қаласында жалған бухгалтерлік құжаттар жасаумен айналысып келген қылмыстық топ мүшелері ұсталды, деп хабарлайды ҚазАқпарат.

Ұқсас жаңалықтар

Екібастұзда 50 мың теңге пара алған басшы 1 млн теңге айыппұл төлейді

Шымкентте су ресурстарын қорғау инспекторы парамен ұсталды Жемқорлық қылмыстары жиі жасалатын 5 министрлік аталды Жемқорлық туралы хабарлаған адамға сыйақы берудің жаңа тәртібі бекітілді

ШҚО прокуратурасы, облыстық Экономикалық тергеу департаменті және Ұлттық қауіпсіздік комитетінің ШҚО бойынша департаменті бірлесіп салықтан жалтару мақсатында жалған бухгалтерлік құжаттар жасаумен айналысқан қылмыстық топтың жолын кесті. Анықталғандай, олар осы уақытқа дейін 1,5 млрд теңге мөлшерінде салықтан жалтарған.

«Тінту жұмыстары барысында барлық бухгалтерлік құжаттар, мөрлер мен компьютерлер тәркіленді. Қылмыстық топтың ұйымдастырушысы қамауға алынған», деп хабарлады ШҚО Экономикалық тергеу департаменті.

Қоса кетсек, өткен жылы Өскемен қалалық №2 сотының үкімімен осы сынды заңбұзушылық жасаған екі қылмыстық топқа үкім шыққан. Олар мемлекетке 4 миллиард теңгеден астам залал келтірген.