USD 434.24 EUR 492.69
RUB 5.67 CNY 68.46
Jańalyqtar

Өскеменде жалған құжат жасаған есепші мемлекетке 247 млн теңге залал келтірген

2020 жылғы 3 маусым 17:45
Бөлісіңіз:
Өскеменде жалған құжат жасаған есепші мемлекетке 247 млн теңге залал келтірген

ӨСКЕМЕН. ҚазАқпарат – Өскемен қаласында кәсіпкерлерге салықтан жалтаруға көмектескен есепші сотталды, деп хабарлайды ҚазАқпарат тілшісі.

ШҚО экономикалық тергеу департаментінің мәліметіне сүйенсек, әйел адам пайда табу мақсатында жалған бухгалтерлік құжат жасаумен айналысқан.

Департамент қызметкерлері оған қатысты тергеу амалдарын аяқтады.

«Анықталғандай, ол 2017-2019 жылдар аралығында коммерциялық ұйымдарға заңсыз шот-фактура жазып келген. Осылайша, сол компаниялар бірнеше жыл салықтан жалтарды. Қала тұрғыны ашқан жалған мекемелерде жұмысшылар штаты, дүние-мүлік пен қоймалар болмады. Оның бұл әрекетінен мемлекетке 247 млн теңге мөлшерінде шығын келген» делінген хабарламада.

Өскемен қалалық № 2 сотының үкімімен айыпталушы ҚР Қылмыстық кодексінің 216-бабы 3-бөлігі және 28-бабы 3-бөлігі бойынша кінәлі деп танылып, 3 жылға бас бостандығынан айырылды.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT