Өскеменде зейнеткердің пәтерін жалдаған ер адам 2 млн теңгесін ұрлап кеткен

ӨСКЕМЕН. ҚазАқпарат – Өскемен қаласында зейнеткердің пәтерін жалдаған ер адам 2 млн теңгені жымқырып кетті, деп хабарлайды ҚазАқпарат тілшісі.

Ұқсас жаңалықтар

«Қазпошта» АҚ БҚО филиалында заңға қайшы әрекеттер жасалғанын растады

Ақмола облысының тұрғыны WhatsАpp арқылы қаржы пирамидасын құрған Ақмола облысында екі полиция қызметкерінің өліміне кінәлі адамға сот үкімі шықты Елімізде бір апта ішінде 3268 қылмыс тіркелді

ШҚО Полиция департаменті баспасөз қызметінің мәліметіне сүйенсек, қаңтар айының басында «102» арнасына 80 жастағы қарт кісі хабарласып, пәтер жалдаушысының сандықтағы 2 миллион теңгесін ұрлап, онымен қоймай қолынан ұялы телефонын жұлып алғанын айтып шағым түсірді.

«Жедел-іздестіру шараларын жүргізген полиция қызметкерлері бұрын сотталған 46 жастағы күдіктіні ұстады. Тұрақты жұмыс орны жоқ ер адам өз кінәсін мойындап отыр. Ақша мен телефон зейнеткерге қайтарылды», - деді ШҚО ПД бастығы Сағат Мәдиев.

Қазіргі уақытта оған қатысты ҚР Қылмыстық Кодексінің 191-бабы 3-бөлігі бойынша сотқа дейінгі тергеу амалдары жүргізілуде.