Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Өскеменде өткен «Jastar Time» IT-фестивалінде 5 мыңнан астам адам бас қосты

2019 жылғы 17 мамыр 12:15 189
Бөлісіңіз:
Өскеменде өткен «Jastar Time» IT-фестивалінде 5 мыңнан астам адам бас қосты

ӨСКЕМЕН. ҚазАқпарат - Облыс орталығында аймақтағы ақпараттық-коммуникациялық технологияларды меңгеруге ден қойған жастар арасындағы VII облыстық IT-фестивалі өтті, деп хабарлайды ҚазАқпарат ШҚО ақпарат орталығына сілтеме жасап.

Ұқсас жаңалықтар
Түркістанда цифрландыру бойынша «Smart Turkistan» форумы өтеді Түркістанда тарихи орындар жайлы мәлімет беретін мобильдік қосымша іске қосылды

Мұнда өңірдегі мектеп оқушыларымен қатар, колледж, ЖОО студенттері келіп, өздерінің ғылыми жобаларын таныстырды.

Ұйымдастырушылардың айтуынша, осы жылы IT-фестивальдің ауқымы кеңейген. Көрермендер виртуалды шындық көзілдірігін кию арқылы инновациялық 3D-кітаптарды парақтап, робот-гидпен сөйлесуге мүмкіндік алды. Ал 200-ге тарта қатысушы 95 заманауи IT жобаларын «Мейкерлік», «Junior Skills», «Startup-жобалар», «ClusterPro» және робополигон секторларында көрермен назарына ұсынды. Жас өнертапқыштардың жобалары таңғаларлық қана емес, тұрмыста пайдалы әрі өзекті болып шықты.

Мысалы Үржар ауданынан келген Ерсін Тілеуғабыл көру қабілеті төмен жандарға арналған арнайы құрылғы ойлап тапқан. Ерекшелігі - адам қолына кию арқылы алдында тұрған қандай нысан екенін анықтайды. Одан бөлек, оның бағасы да қолжетімді. Жас өнертапқыштың айтуынша, мұндай идеяны өзі ойлап тауып, кейін жетекшісі екеуі қолға алған. 

Өскеменде өткен «Jastar Time» IT-фестивалінде 5 мыңнан астам адам бас қосты 

Сондай-ақ, Семейдегі ерлерге арналған «Жас ұлан» лицейінің кадеттері Ділдар Нұрсұлтан мен Аңсар Құсаинов экзоқаңқаның өз моделін ойлап тапқан. Оның бірегей технологиясы құтқарушыларға апатты жағдайларда ондаған адамды алмастыруға мүмкіндік береді.

Көрмеге қойылған жас өнертапқыштардың заманауи жобаларына ШҚО әкімі Даниал Ахметов жоғары баға берді. 100-ге тарта жобаның ішінде аймақ басшысы атап өткен екі жоба - робот-манипулятор мен интернетсіз жұмыс істей алатын қазақ-латын қарпін түрлендіргіш қосалқы бағдарлама болды. Олардың авторлары облыстық физика, математика және информатика бойынша дарынды балаларға арналған арнайы мектеп-лицейінің оқушылары Никита Пятков, Вячеслав Трегуб, Искандер Чадоев және Зайсаннан келген Дана Әрімжанова.

Өскеменде өткен «Jastar Time» IT-фестивалінде 5 мыңнан астам адам бас қосты 

«Осындай жобаларды жасай отырып, сендер жаңа білімге жол ашып қана қоймайсыңдар. Сендер осылайша өздеріңнің де, біздің де болашағымызға жол ашасыңдар. Дұрыс бағыттасыңдар. Бұл фестиваль креативті жастарға мол мүмкіндіктер береді деген ойдамын»,-деді өз сөзінде аймақ басшысы Даниал Ахметов.

Өскеменде өткен «Jastar Time» IT-фестивалінде 5 мыңнан астам адам бас қосты 

Шара қорытындысы бойынша тәуелсіз сарапшылар «Үздік ІТ-жоба» және «Көрермен көзайымы» жүлдесін онлайн-дауыс беру арқылы анықтады. Жарма ауданы Карелин П.Г. атындағы орта мектептің оқушысы Аңсар Мейрамханов көрермен көзайымы атанды. Ал бас жүлдені смарт-бесік жасаған Әли Бердібек (Шәкәрім атындағы №1орта мектеп, Өскемен), 1-орынды 21 ғасыр мектеп портфелін ала келген Надежда Закусилова (№4 орта мектеп, Өскемен), 2-орынды «Теңге алу» компютерлік ойынын ойлап тапқан Әлішер Мәулетов пен Ілияс Закариянов (Үш тілде білім беретін Шәкәрім атындағы көпсалалы гимназия, Семей), ал 3-орынды логопедтік тренажер жобасымен Қымбат Жеңісхан (С.Аманжолов атындағы ШҚМУ, Өскемен) иеленді. 

Өскеменде өткен «Jastar Time» IT-фестивалінде 5 мыңнан астам адам бас қосты 

Айта кету керек, биыл күзде облыс орталығында халықаралық ІТ форум өтеді. Былтырғыдай оқушылар мен студенттер және ІТ компаниялардың өз жобаларын ұсынуына жағдай жасалады. Ал үздік жобаларға аймақтың әлеуметтік-экономикалық саласын дамытуға үлес қосу үшін грант бөлінбек.

 

 

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059
MURAǴAT