+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Өскеменде өрт шыққан көпқабатты үйден 12 адам құтқарылды

2021 жылғы 18 мамыр 10:57
Бөлісіңіз:
Өскеменде өрт шыққан көпқабатты үйден 12 адам құтқарылды

ӨСКЕМЕН. ҚазАқпарат – Өскемен қаласында өрт шыққан көпқабатты үйден 12 адам, оның ішінде 4 бала құтқарылды, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, Қайсенов көшесіндегі көпқабатты тұрғын үйде өрт шыққан. Оқиға орнына құтқарушылар шұғыл келіп жетті. Анықталғандай, от подъез ішінде 3 және 4-қабаттардағы электресептегіште шыққан.

«Өрт сөндірушілер оқиға орнынан 36 адамды, оның ішінде 8 баланы эвакуациялады. Сондай-ақ түтін тұмшалаған подъезден 12 адам құтқарылған. Көп ұзамай 4 шаршы метрді шарпыған тілсіз жау ауыздықталды. Өрттің шығу себебі – электр жабдықтарының апаттық режимде жұмыс істеуінен. Қызыл жалынды өшіруге жеке құрамнан 23 адам мен 7 техника жұмылдырылды», - деп хабарлады ведомство өкілдері.

ТЖД мамандарының айтуынша, электр қондырғылары мен сымдардың шамадан тыс жүктелуінен және электр желісінің қысқа тұйықталуынан есептегіште өрт шығуы мүмкін. Өрттің алдын алу үшін тек жарамды электр құралдарын пайдаланып, электр қалқандарында жанғыш заттар мен материалдарды сақтамаңыз. Қысқа тұйықталу кезінде олар жанып, жалынның таралуына ықпал етеді.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT