Өскеменде құрылыс краны құлады

ӨСКЕМЕН. ҚазАқпарат - Өскемендегі Красина көшесінде құрылыс краны құлады. Куәгерлер әлеуметтік желіге оқиға орнынан қысқа видео салған, деп хабарлайды ҚазАқпарат тілшісі.

Видеотүсірілім операторы қатты гүрс еткен дыбыстың шыққанын айтады. Кран жұмыс жасау кезінде құлаған. Кабинасында бір адам болғаны анықталды.

ТЖ мен полиция оқиғаның мән-жайын анықтап жатыр.