Қолданушы баптаулары
Қолданушы баптаулары
+7 (701) 759 90 19 Лента
USD 377.62 EUR 426.03
RUB 5.67 CNY 55.78
Jańalyqtar

Өскеменде көлік қозғалысын реттейтін ситуациялық орталық ашылады

2019 жылғы 12 ақпан 18:58 349
Бөлісіңіз:
Өскеменде көлік қозғалысын реттейтін ситуациялық орталық ашылады

ӨСКЕМЕН. ҚазАқпарат - Өскемен қаласында көлік қатынасы мен қоғамдық тәртіп дауларын реттейтін ситуациялық орталық құрылады, деп хабарлайды ҚазАқпарат тілшісі.

Ұқсас жаңалықтар
СҚО-ның бірнеше ауданында су тасқыны болуы ықтимал Ақмолада мемқызметшілер арасында оқырмандар марафоны басталды

Енді өскемендіктер көлік апатынан кейінгі дауларды ситуациялық орталыққа жүгіну арқылы шеше алады. Бұл туралы жолаушылар көлігі және автомобиль жолдары басқармасының басшысы Нұржан Жұмаділов арнайы брифингте айтты.

Басқарма басшысының айтуынша, Өскемен көшелерін бейнебақылау камераларымен жабдықтау ісі биыл да жалғаспақ. Шаһардағы 74 қиылыстың әрқайсына 12 камерадан 888 бақылау жүйесі қойылмақ. Ал қарбалас күні-түні үзілмейтін 15 көшенің бойына 440 камера орнатылуы мүмкін.

«Бұған дейін камера орнатылмаған 120 аулаға бақылау жүйесі орнатылады. Білім беру, денсаулық сақтау, дін, көңіл көтеру орындары мен саябақтар аумағы цифрландырудың игілігін көреді. Қала аумағына талдау жасай келе, жиі қылмыс болатын, тұрақты бақылауды қажет ететін 1700 орын анықталды. Солардың барлығына камера қоямыз» - дейді Нұржан Жұмаділов.

2020 жылға қарай бір Өскеменнің өзінде 3928 камера жан-жақтан қалтқысыз бақылау жүргізеді деген жоспар бар. Сол камералардан алынған деректердің бір данасы Қазақстан көшесіне қойылатын ситуациялық орталықта сақталады. Қауіпсіздік органдары ол деректер бойынша тиісті шара қолданып отыруы тиіс.

«Орталықта кез келген дерек 30 күнге дейін сақталады. Сақтау мерзімін ұзартуға күш салып жатырмыз. Кез келген тұрғын көлік апатына қатысты күмәні болса, басқа да даулы мәселелерге тап болса, полиция департаменті арқылы өзіне қажет бейнедеректі сұрата алады» - дейді басқарма басшысы.

 

 

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT