Өскеменде кене шаққан бала ауруханаға түсті

НҰР-СҰЛТАН. ҚазАқпарат - Өскеменде мектеп оқушысын кене шағып, бала ауруханаға түсті, деп хабарлайды ҚазАқпарат тілшісі.

Кене шаққан баланың ауруханаға түскені туралы республикалық БАҚ көздері ақпарат таратқан болатын. Шығыс Қазақстан облыстық денсаулық сақтау басқармасының баспасөз қызметі баланың жағдайы жақсарғанын хабарлады.

«Қазіргі таңда баланың жағдайы бірқалыпты. Бүгін ауруханадан шығарамыз. Кене шамамен сәуір айының соңында шаққан. Екі аптадан кейін баланың температурасы көтеріліп, басы ауырған. Осыдан кейін жедел жәрдем шақырылып, бала стационарлық емдеуде 12 күн жатқан», - деп хабарлады ведомствоның баспасөз қызметінен.

Басқарма спецификалық терапия жүргізілгенін және баланың жүйке жүйесі ешқандай ақаусыз сауығып келе жатқанын хабардар етті.