10:17, 18 Сәуір 2019 | GMT +6
Өскеменде қар жауып, мектептерде сабақ тоқтатылды
ӨСКЕМЕН. ҚазАқпарат - Өскемен мен Семейде ауа райына байланысты 1-9 сынып оқушылары үшін сабақ тотатылды, деп хабарлайды ҚазАқпарат тілшісі.
Облыстық төтенше жағдайлар департаментінің хабарлауынша, қос қаладағы мектептердің бірінші ауысымындағы 1-9 сынып оқушылары сабақтан босатылған.
Мұндай ақпаратты департамент білім басқармасына сілтемей жасай отырып таратты.
Қазір Өскемен қаласында қардың соңы ақ-түтек боранға ұласты. Бір күн бұрын ғана «ҚазГидромет» мекемесі 18 сәуір күні өңірде қар жауып, тұман түсіп, кей жерлерде желдің жылдамдығы 15-20 м\с болатынын ескерткен болатын.