+7 (701) 759 90 19
USD 428.07 EUR 507.61
RUB 5.62 CNY 65.15
Jańalyqtar

Өскеменде екі жігіт өртенген үйдің терезесінен үш адамды алып шықты

2020 жылғы 7 сәуір 18:57
Бөлісіңіз:
Өскеменде екі жігіт өртенген үйдің терезесінен үш адамды алып шықты

ӨСКЕМЕН. ҚазАқпарат – Өскемен қаласының екі тұрғыны отқа оранған үйден 3 адамды құтқарды, деп хабарлайды ҚазАқпарат.

6 сәуір күні сағат 15.12-де Попов көшесіндегі жер үйде өрт шыққан. Моншаның ағаш құрылымдары, үйге жалғанып салынған қора-қопсы мен үйдің шатыры жанған. Өрт сөндірушілер келгенше оқиға орнында болған шаһар тұрғындары Александр Страбыкин мен Александр Кузнецов қызыл жалын лаулаған үйден екі әйел мен 8 жасар баланы терезе арқылы сыртқа алып шықты.

«Бейбіт күннің батырлары түтін мен отты байқағап қалғаннан кейін бірден көмекке ұмтылған. 3 адамды құтқарып, үй ішіндегі газ баллонын шығарған. №7 өрт сөндіру бөлімінің қызметкерлері 80 шаршы метр аумақты шарпыған өртті сөндірді», - деп хабарлады қалалық Төтенше жағдайлар басқармасының баспасөз қызметінен.

Александр Страбыкин автомаляр болып жұмыс істейді, ал оның досы Александр Кузнецов «НПК Герат УК» ЖШС-да өндіріс басшысы.

«Екеуі сын сағатта өздерінің емес, өзгенің өмірін ойлап, ерлік жасады. Оларды құтқару үшін батыл әрекетке барды», - делінген ведомство мәліметінде.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT