07:12, 14 Желтоқсан 2022 | GMT +6
Өскеменде бірінші ауысымдағы 0-11 сынып оқушылары қашықтан оқиды
ӨСКЕМЕН. ҚазАқпарат – Күннің суытуына байланысты Өскеменде 14 желтоқсан күні 0-11 сынып оқушылары қашықтан білім алады, деп хабарлайды ҚазАқпарат Шығыс қазақстан облыстық Төтенше жағдайлар департаментінің баспасөз қызметіне сілтеме жасап.
Жайсыз метеорологиялық жағдайға байланысты 14 желтоқсан күні 20 мектептің 0-11 сынып оқушылары қашықтан білім алады.
Сондай-ақ Виннинская, Д.Қонаев атындағы мектептердің 0-4 сынып оқушылары қашықтан, ал 5-11 сынып оқушылары штаттық режимде білім алады.
6 мектепте, атап айтқанда: Черемшанск, Быструшинск, Тархановск, Сикисовск, Предгорное 2, Малоубинская орта мектептерінде 0-11 сынып оқушылары штаттық режимде жұмыс істейді.
Айта кетейік, «Қазгидромет» Шығыс Қазақстан облысында 14 желтоқсан күні ауа температурасы бірден 20-25 градусқа, солтүстігінде 30 градусқа дейін төмендейтінін хабарлаған болатын.