Өскемен полицейлері контрафакт алкоголь саудасының алдын алды
2021 жылғы 13 желтоқсан 03:30

Өскемен полицейлері контрафакт алкоголь саудасының алдын алды

ӨСКЕМЕН. ҚазАқпарат – Өскемен қаласының полицейлері контрафакті алкоголь өнімдерінің саудасына тосқауыл қойды, деп хабарлайды ҚазАқпарат тілшісі.

ШҚО полиция департаменті баспасөз қызметінің мәліметіне сүйенсек, тәртіп сақшылары жедел-іздестіру шаралары барысында қаладағы дүкендердің бірінен 31 бөтелке алкогольді ішімдікті тәркіледі.

«Тексеру кезінде өнімдердің Қазақстан Республикасы аумағында акцизделетін тауарларды таңбалау стандарттары мен ережелеріне сәйкес тіркеу-бақылау таңбаларымен сәйкессіздігі байқалды. Бұдан әрі акциздік таңбалар ТБТ ақпаратын оқудың сертификатталған жүйесін пайдалана отырып тексерілді. Нәтижесінде, Қаржы министрлігі ҚГД акциздік таңбалар дерекқорында бұл кодтардың жоқтығы анықталған», - делінген ақпаратта.

Аталған факті бойынша кәсіпкерге қатысты ҚР ӘҚБтК-нің 283-бабы 2-бөлігімен әкімшілік хаттама толтырылды.

Енді ол алкоголь өнімін өткізуге лицензиядан айырылып, 150 АЕК мөлшерінде айыппұл төлеуге міндеттелуі мүмкін.


Ұқсас жаңалықтар

Jańalyqtar

MURAǴAT