06:18, 15 Шілде 2018 | GMT +6
Өскемен көшелеріне 4 мың бейнекамера орнатылады
ӨСКЕМЕН. ҚазАқпарат - 2019 жылы қоғамдық тәртіп пен тұрақтылықты қамтамасыз ету мақсатында 4 мыңға жуық бейнекамера жол бойына орнатылады, деп хабарлайды ҚазАқпарат altaynews.kz-ке сілтеме жасап.
Ағымдағы жылдың 1 қыркүйегіне дейін «Цифрлық Қазақстан» мемлекеттік бағдарламасының аясында ШҚО аудандарындағы 277 мектеп жаңа модификациядағы оқу кабинеттерімен жабдықталмақ.
Бұдан бөлек, 2019 жылдан бастап Өскемен шаһарының көптеген көшелері 60 мың шаммен жарықтандырылады.
Сондай-ақ, лауазымды тұлғалар білім ошақтарын 100 % интернетпен және компьютермен қамтамасыз етуге күш салмақ.