+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Өскемен көшелерін таудан келген қарғын су басып жатыр

2018 жылғы 11 наурыз 13:07
Бөлісіңіз:
Өскемен көшелерін таудан келген қарғын су басып жатыр

ӨСКЕМЕН. ҚазАқпарат - Өскеменнің көшелерінде су көлкіп жүр. Мамандар жаңбыр мен еріген қар суы таудан ағып келіп жатқанын айтады, деп хабарлайды ҚазАқпарат тілшісі.

«Көшеде көліктер жүзіп жүр» деген тақырыппен уатсап мессенджері арқылы түрлі видеолар тарап жатыр. Шынымен де қала көшелерінде жаяу адам түгіл көлікпен жүрудің өзі қиындап кеткен. Қаланың тазалығына жауапты мекеме мамандары мөлшерден тыс суды таратуға жерасты құдық желілерінің шамасы жетпей жатқанын айтады.

«Жаңбыр мен қар суына таудан құлаған лайсаң қосылуда. Мұншама суды жерасты тораптары таратып үлгермейді. Жібек жолы мен Сәтбаев даңғылының қиылысындағы су Шешек асуынан жеткені анықталды. Ал Красин кентінің Пушкин көшесіндегі қарғын су Ботбай жотасынан ағып келген. Шмелев лог елді мекенінен аққан су трамвай рельстерін, Мызы және Питер коммунарлары көшесіне жайылды. Малдыбаев көшесі мен Самсонов кентінде бірнеше отбасы қауіпсіз жерге көшірілді. Су сорғыш техникалар үлгермей жатыр» - дейді «Өскемен тәртіп» мекемесінің директоры Тамара Рахымжанова.
Өскемен көшелерін таудан келген қарғын су басып жатыр

Оның айтуынша қала аумағында 80-нен астам құтқарушы, 26 грейдер мен фронталды тиеуіш техника қарғын сумен күреске жұмылдырылған. Мердігер компаниялармен қатар «Өскемен водоканал» мекемесінің техникасы да тартылуда.

Екі күн бойы тоқтамай жауған жаңбырдың соңы қазір қарға ұласа бастады.
Өскемен көшелерін таудан келген қарғын су басып жатырӨскемен көшелерін таудан келген қарғын су басып жатыр



Фотоларды Тілеубек Шаяхметов түсірген

Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT