Өскемен көшелерін қардан тазарту бойынша жедел штаб құрылды

ӨСКЕМЕН. ҚазАқпарат - Өскемен қаласында көшелерді қардан тазарту жұмыстарын қадағалау мақсатында жедел штаб құрылған, деп хабарлайды ҚазАқпарат.

Өскеменде соңғы күндері толассыз жауған қарды тазалауға техникалар мен жұмыс күші аздық етуде. Осыған орай «Шығыс» өңірлік қолбасшылығының сарбаздары мен еріктілер тартылған.

«Қар тазарту жұмыстары және техникалардың бекітілген маршрутқа сай жүруі тұрақты бақылауда. Қала әкімі Жақсылық Омардың тапсырмасымен «Жаңа Согра» МКК базасында тәулік бойы жұмыс істейтін штаб құрылды. Полиция басқармасымен және барлық жауапты бөлімдермен үнемі байланыстамыз», - деп хабарлады Өскемен қаласы әкімдігінің баспасөз қызметі.