USD 436.29 EUR 492.83
RUB 5.92 CNY 68.48
Jańalyqtar

Орынбай Жанайдаров Абайдың поэзиясын орысшаға аударды

2020 жылғы 20 ақпан 17:10
Бөлісіңіз:
Орынбай Жанайдаров Абайдың поэзиясын орысшаға аударды

НҰР-СҰЛТАН. ҚазАқпарат - Елордада ақын, аудармашы Орынбай Жанайдаровтың «Абай. Стихи и поэмы» атты кітабының тұсаукесері болды, деп хабарлайды ҚазАқпарат тілшісі.

«1989 жылы Абайдың «Қалың елім, қазағым, қайран жұртым« өлеңін аударып, он шақты рет өзгерттім. Бұл оңай жұмыс емес. Әдебиет - ауыр еңбек, поэзия - тіптен қиын еңбек. Ол жалқаулық пен салғырттықты көтермейді. Аудармамен айналысқан кезде бар жаныңды салуың керек», - дейді кітап авторы Орынбай Жанайдаров.

Ғалым Шәкір Ибраев бұл кітаптың күнделікті жазылып жатқан кітаптардан ерекшелігі бар екенін айтты.

«Абайды тереңнен түсініп отырып орыс тіліне аудару - мәдени, рухани өміріміздегі ерекше оқиға. Абайды аударуға басқа да авторлар талаптанып көрген, бірақ олар Абайдың деңгейінде аудара алды деп айта алмаймыз. Олар кей жерлерін ақындық қиялға салынып, ұлт рухын бере алмай қалады. «,- дейді ғалым Шәкір Ибраев.

Ол Орынбай Жанайдаровтың Абайды аударуға үлкен дайындықпен келіп отыр.

«Бұған дейін ол жыраулар поэзиясын, 15-18 ғасырдағы қазақ ақындарының өлеңдерін аударуда үлкен тәжірибе жинаған. Ол жылына Абайдың 3-4 өлеңін ғана аударған. Бұл осы жағдайға аса жауапкершілікпен қарағандығының белгісі», - дейді Шәкір Ибраев.


Біздің каналымызға жазылыңыз:

Бөлісіңіз:

Автор:

Зарина Қаһарман

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT