Орталық референдум комиссиясы оқыту семинарын өткізді
2022 жылғы 12 мамыр 19:40

Орталық референдум комиссиясы оқыту семинарын өткізді

НҰР-СҰЛТАН. ҚазАқпарат - 2022 жылғы 12 мамырда Орталық референдум комиссиясы Ақпарат және қоғамдық даму министрлігімен бірлесіп, онлайн режимінде қоғамдық бірлестіктер өкілдеріне арналған оқыту семинарын өткізді, деп хабарлайды ҚазАқпарат.

Іс-шараға 350 адам қатысты. Оның барысында 2022 жылғы 5 маусымға тағайындалған республикалық референдум туралы, «Қазақстан Республикасының Конституциясына өзгерістер мен толықтырулар енгізу туралы» ҚР Заңының жобасы, республикалық референдумды дайындау мен өткізу, қаржыландыру, үгіт, электораттық оқытуды ұйымдастыру, дауыс беруді байқау процесінің ерекшеліктері, сондай-ақ референдум туралы заңнаманы бұзғаны үшін жауапкершілік мәселелері бойынша түсініктемелер берілді.

Семинардың спикерлері ретінде Орталық референдум комиссиясы тарапынан ҚР ОРК Төрағасының орынбасары Константин Петров, ОРК мүшелері Сабила Мұстафина, Анастасия Щегорцова және Асылбек Смағұлов сөз сөйледі.

Сондай-ақ, семинарда Әділет вице-министрі Айгүл Мұқанова, Ақпарат және қоғамдық даму вице-министрі Данияр Кәдіров, Бас прокурордың аға көмекшісі Азамат Сарғазин, ҚР АҚДМ Ақпарат комитеті төрағасының орынбасары Қаныбек Жұмашев сөз сөйледі.

Семинар аясында өңірлермен бейнеконференция байланысы және «Аазаматтық бастамалар орталығы» YouTube арнасында келесі сілтеме бойынша онлайн көрсетілім ұйымдастырылды

Семинар соңында Орталық референдум комиссиясының және уәкілетті мемлекеттік органдардың өкілдері семинарға қатысушылардың сұрақтарына толыққанды жауап берді.

Орталық референдум комиссиясының электораттық оқыту аясындағы бұқаралық ақпарат құралдарының басшыларына арналған келесі семинары 2022 жылғы 13 мамырда өтетін болады.


Jańalyqtar

MURAǴAT