+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Орта білім беруде қала мен ауыл арасындағы алшақтықты жою үшін қандай шаралар жүргізіліп жатыр

2019 жылғы 17 қазан 16:02
Бөлісіңіз:
Орта білім беруде қала мен ауыл арасындағы алшақтықты жою үшін қандай шаралар жүргізіліп жатыр

НҰР-СҰЛТАН. ҚазАқпарат - Осы жылдың қараша айында 69 мың мұғалім аттестациядан өтеді. Бұл туралы бүгін Орталық коммуникациялар қызметіндегі баспасөз мәслихатында ҚР Білім және ғылым вице-министрі Шолпан Каринова айтты, деп хабарлайды ҚазАқпарат тілшісі.

Ұқсас жаңалықтар
Мектеп директоры: Балаңызды ерекше тәрбиелеймін деп, тәкаппар етіп алмаңыз Елордада мектепке дейінгі мекемелердің 149 тәрбиешісі біліктілігін арттыру курсынан өтті Президентке хат жазған 10 жасар алматылық баланың арманы орындалды

«Халықаралық тәжірибеде білім сапасы PISA зерттеулерінің нәтижесі бойынша бағаланады. Біздің оқушылар бұл зерттеулерге 4 рет қатысты. Соның ішінде бәрі байқалады. Ауыл мен қала арасындағы алшақтық 19-26 ұпайы деп көрсетілген. Ал қазақстандық сырттай бағалау жүйесімен де қала мен ауыл арасында 8 ұпайлық айырма бары көрініп тұр. Осыған байланысты Білім және ғылым министрлігі үлкен талдау жұмыстарын жүргізді. Осы орайда білім сапасына қандай фактор әсер етеді деген сұраққа тоқталайын. Біріншісі - мектепте жұмыс істеп жүрген мұғалімнің кәсібилігі мен біліктілігі, санатының өсуі. Екіншісі - мектептің жалпы жағдайы. Бүгінде пәндік кабинеттердің жабдықталуы, Интернетпен қамтамасыз етілуі, зертханалардың болуы сынды мәселелер де білім сапасына әсерін тигізеді», - деді ол.

Оның дерегінше, қазіргі күні мектептердің 75 пайызы ауылда орналасқан және олардың 41 пайызы шағын жинақты мектеп саналады. Дегенмен, осы ауыл мектептерінде білім беріп жатқан ұстаздардың біліктілігін арттыру үшін де нақты жұмыстар жүргізіліп жатыр.

«Біріншіден, биыл 150 мыңнан астам мұғалім біліктілігін арттыру курстарынан өтіп жатыр. Екіншіден, мұғалімдерді аттестациядан өткізу. Аттестация мұғалімдердің жалақысын өсірудің бірден-бір көзі. 2018 жылдан бастап жалақы мұғалімдердің санаттарына байланысты 30-дан 50 пайызға дейінгі аралықта көтерілді. Бүгінгі күні 123 мыңнан астам мұғалім өз санатын өсірді. Ал биылғы жылдың қараша айында өтетін аттестациялауға 69 мыңнан астам мұғалім қатысуға ниет білдіріп отыр. Бұл жылдан жылға сапаны арттыруға сеп болатын фактордың бірі», - деді вице-министр.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT