+7 (701) 759 90 19
USD 405.66 EUR 454.70
RUB 5.71 CNY 57.43
Jańalyqtar

Ораза айт ұлттар мен ұлыстарды ынтымаққа ұйыстыра түседі - Бас мүфти

2018 жылғы 15 маусым 09:06
Бөлісіңіз:
Ораза айт ұлттар мен ұлыстарды ынтымаққа ұйыстыра түседі - Бас мүфти

АСТАНА. ҚазАқпарат - Ораза айт - қонақжайлық пен мейірбандықтың, достық пен татулықтың мерекесі. Бұл туралы қазақстандықтарды айт мерекесімен құттықтаған ҚР Мұсылмандары діни басқармасының төрағасы Серікбай қажы Ораз айтты, деп хабарлайды ҚазАқпарат.

«Қадірменді қауым! Баршаңызды мұсылман үмбетінің ұлық мейрамы - Ораза айтпен шын жүректен құттықтаймын. Қасиетті жұма күнімен қатар келген айт мейрамы құтты-берекелі болғай! Біздің халқымыз рамазан айын ежелден ерекше қастерлеп: «Он екі айдың сұлтаны», - деп қадірлеген. Ал мереке күндері ағайын-жұрт бір-біріне «айт қабыл болсын» айтып, жылы лебіздері мен ізгі тілектерін арнаған. Ағайын-туысқа айттап бару, балалар мен қадірлі қонақтарға айттық беру - сан ғасырдан бері жалғасып келе жатқан игі дәстүр», - деді Бас мүфти құттықтауында.

Серікбай Ораздың айтуынша, Ораза айт - қонақжайлық пен мейірбандықтың, достық пен татулықтың мерекесі. Ізеттілік пен ізгілікке, бірлік пен игілікке үндейтін бұл мейрам елімізде тұратын түрлі ұлттар мен ұлыстарды да ынтымаққа ұйыстыра түседі.

«Айт» - «мерекелеу», «хал сұрасу», «бір-бірін қуанту», «қуанышқа топталу» деген сөз. Демек, бұл күндері отбасын, ағайын-туыс, көршілер мен көмекке мұқтаж жандарды қуанышқа бөлеп, алғысын алудың - сауабы үлкен. Жабыққан жанның көңілін жадыратып, шаңырақты шат-шадыман күйге бөлеп, сыйлық үлестіру де - мерекенің сәнін келтіре түсетін ізгі амалдың бірі.

Ұлық мейрамда толық жуынып, жұпар иіс себініп, жамағатпен айт намазына қатысудың сауабы ерекше. Айт намазына барудан бұрын құрмадан дәм тату - пайғамбарымыз Мұхаммедтің (оған Алланың салауаты мен сәлемі болсын) сүннет амалы.

«Ораза айт - бір ай бойы төзімділік танытып ауыз бекіткен, ықыласпен қайырымдылық жасаған пенденің құрмет пен марапатқа, қуаныш пен сауапқа кенелетін сәт (...) Мұсылман қауымының осынау шуақты мейрамында әрбір шаңыраққа баянды бақыт, Алланың амандығы мен берекетін тілеймін», - деді Бас мүфти.

Еске салайық, биыл 17 мамырда басталған Ораза айы 14 маусымда аяқталды. Қадыр түні маусымның 11-інен 12-сіне қараған түні атап өтілді.

Бүгін, 15 маусымда (жұма) Ораза айт мейрамының алғашқы күні басталды.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT