Оралдық оркестр халықаралық байқаудан бас жүлдемен оралды
Аталмыш байқауға Қазақстан ғана емес, сондай-ақ Ресейдің Санкт-Петербор, Мәскеу, өзге де қалаларынан барлығы 400-ге тарта өнерпаздар мен шығармашылық ұжымдары қатысты. Оркестрден басқа домбыра, прима, қобыз, бас домбыра аспабы, би аталымы бойынша жеке өнер көрсеткен 7 оқушы бiрiншi, 4 оқушы екiншi жүлдені еншіледі.
Дарынды балалар мектебінің директоры Ерсайын Сапаровтың айтуынша, өнер мектебі жанында «Атамұра» оркестрінің жұмыс жасағанына жиырма жылдай уақыт болды. Соңғы бес-алты жылдан бері оған Зәуреш Құсайынова жетекшілік етіп келеді. Жыл өткен сайын құрамы жаңарып отыратын оркестр екі мәрте халықтық атағын қорғады.
«Атамұра» оркестрі енді наурыз айында Астана қаласында шетелдік өнер ұжымдарының қатысуымен өтетін «Грация» халықаралық фестивалінде ел намысын қорғамақ.