+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Оралда жүргізуші велосипед мінген ер адамды қағып, қашып кеткен

2021 жылғы 21 қыркүйек 13:01
Бөлісіңіз:
Оралда жүргізуші велосипед мінген ер адамды қағып, қашып кеткен

ОРАЛ. ҚазАқпарат – Оралда жүргізуші автокөлігімен велосипед мінген ер адамды қағып, қашып кеткен, деп хабарлайды ҚазАқпарат тілшісі.

Ұқсас жаңалықтар
Алматыда жас жұпты көлік қағып кетті, жігіт қаза тапты Батыс Қазақстанда 2 мыңнан астам адам Pfizer вакцинасын қабылдады

БҚО полиция департаментінің баспасөз қызметі мәлім еткеніндей, оқиға 21 қыркүйек күні шамамен сағат 10.10-да М.Шолохов көшесі бойында болды.

Белгісіз жүргізуші велосипедшіні қағып, оқиға орнынан бой тасалаған.

Полиция қызметкерлері жедел іздестіру іс-шаралары барысында бір сағатқа жетпейтін уақыт ішінде жүргізушіні анықтап, қолға түсірді. Ол «ГАЗель» автокөлігінің 26 жастағы жүргізушісі болып шықты.

Қазіргі кезде осы оқиғаға байланысты қылмыстық іс қозғалып, сотқа дейінгі тергеу амалдары жүргізілуде.

БҚО денсаулық сақтау басқармасы баспасөз қызметінің нақтылауынша, жол апаты салдарынан азият пішіндес 40 жастағы ер адам ашық бас-ми жарақатын алды. Миы зақымданып, бас сүйегі сынған. Ес-түссіз күйінде облыстық көпбейінді ауруханаға жеткізілді. Жағдайы өте ауыр, ота жасалады деп жоспарлануда.

Еске сала кетейік, бұдан бұрын Оралда шұғыл шақыртуға бара жатқан жедел жәрдем көлігі аударылғанын жазған болатынбыз.

БҚО полиция департаментінің баспасөз қызметі бұл оқиғаға орай жедел жәрдем жүргізушісіне қатысты ҚР Әкімшілік құқықбұзушылық кодексі 610-бабына сәйкес хаттама толтырылғанын жеткізді.



Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT