+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Оралда жұқпалы аурулар модульдік ауруханасының құрылысы аяқталды

2020 жылғы 4 желтоқсан 13:34
Бөлісіңіз:
Оралда жұқпалы аурулар модульдік ауруханасының құрылысы аяқталды

ОРАЛ. ҚазАқпарат – Оралда қалалық жұқпалы аурулар модульдік ауруханасының құрылысы аяқталды, деп хабарлайды ҚазАқпарат тілшісі.

БҚО денсаулық сақтау басқармасы басшысының орынбасарыы Гүлнәр Әбдірахманованың өңірлік коммуникациялар қызметі алаңында өткен брифингіде мәлім еткеніндей, облыстық жұқпалы аурулар ауруханасының бөлімшесі ретінде жұмыс жасайтын жаңа емдеу мекемесі қазіргі кезде қажетті жабдықтармен қамтамасыз етілуде.

Оның сөзіне қарағанда, аурухана толық жабдықталған соң қолданысқа беріледі. Соның ішінде мердігер мекеме оттегі стансасын 10 желтоқсанда әкелмекші.

«Модульдік ауруханаға кадрлар толықтай іріктеліп алынды. Олар Батыс Қазақстан медицина колледжі базасында індетті емдеуге байланысты клиникалық хаттамаға сәйкес біліктіліктерін көтеріп, сертификаттар алды. Сонымен қатар қосымша резервтік тізім дайындалды. Биыл облысқа 116 дәрігердің келгені белгілі, олар да оқытылды, жұмысқа тартылатын болады», деді Г.Әбдірахманова.

Күні бүгін облыста 185 төсектік 4 карантиндік стационарда 35 адам жатыр. Ал 359 төсектік 7 жұқпалы аурулар ауруханасында 136 адам емделуде. Соның ішінде 9 науқас жансақтау бөлімінде, бұлардың бәрі де созылмалы сырқатқа, 8-і жүрек-қан тамырлары дертіне шалдыққан. Сондай-ақ өкпені жасанды желдету аппаратына 6, оттегі концентраторына 10 адам қосылған.

Еске сала кетейік, бұдан бұрын БҚО-да шекарадан медициналық құрал-жабдықтарды заңсыз алып өтпек болғандардың ұсталғанын жазған едік.




Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT