Оралда жүк көлігі қағып кеткен әйелдің жағдайы өте ауыр

ОРАЛ. ҚазАқпарат - Оралда бүгін таңертең «DAF» жүк көлігі әйелді қағып кетті, деп хабарлайды ҚазАқпарат тілшісі.

Оқиға «Құс фабрикасы» аялдамасы тұсындағы бұрылыста орын алды.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдем сағат 07.58-де шақырылды.

Бригада 08.03-те жетті. 1977 жылғы әйел облыстық ауруханаға жеткізілді.

«Әйелге ота жасалды, жағдайы өте ауыр. Қазір жансақтау бөлімінде», - деді А.Сақпосынова.

Қазір оқиғаның мән-жайы анықталу үстінде.