Оралда жексенбі күндері қоғамдық көліктер жүрмейтін болды

ОРАЛ. ҚазАқпарат – Орал қаласында жексенбі күндері қоғамдық көліктер жүрмейтін болды, деп хабарлайды ҚазАқпарат тілшісі.

БҚО бас мемлекеттік санитар дәрігері Мұхамғали Арыспаев биылғы 21 қаңтардағы «Батыс Қазақстан облысының аумағында карантиндік шектеу шараларын күшейту туралы» № 2-БМСДҚ қаулысына толықтыру енгізді.

Соған сәйкес дезинфекциялық іс-шараларды жүргізу үшін қоғамдық көліктер жұмысы 31 қаңтар мен 7 ақпан аралығындағы жексенбі күндері тоқтатылады.

Қаулы бүгіннен бастап күшіне енді.

Еске сала кетейік, бұдан бұрын Батыс Қазақстанда карантиндік шектеу шаралары күшейтілетінін, өңірде 8500-ден астам медицина қызметкерін егу көзделіп отырғанын жазған болатынбыз.

Оралда сондай-ақ соңғы үш күнде 180 адам коронавирус жұқтырды.